Форум

Әниләр көне уңаеннан мәрхүмә әниемне искә алам. Ялгыз канат кагып, 4 баланы тәрбияләп, укытып, пар канатлы итеп урнаштырды да якты дөньядан китеп барды. 60 яше дә тулмады. Исән әниләрегезнең кадерләрен белегез!!!

И, ӘНКӘЕМ – СЫҢАР КАНАТ
И Әнкәем – сыңар канат…
Сабыр канат – бәгырьләрем
Телгәләнә сиңа карап!
Сыңар канат…
И Әнкәем – сыңар канат…
Җил иссә дә каерылыр,
Җил иссә дә сынар канат!
Сыңар канат…
И Әнкәем – сыңар канат…
Кирәк булса, безне яклап
Алышка да чыгар канат!
Сыңар канат…
И Әнкәем – сыңар канат…
Безне яклап, безне саклап
Беткәндер ул канат…канап!
Сыңар канат…
И Әнкәем – сыңар канат…
Безнең хакка барсына да,
Барсына да чыдар канат!
Сыңар канат…
И Әнкәем – сыңар канат…
Сыңар канат асларында
Үсәр идем кабат-кабат!
Сыңар канат…
Роберт Миңнуллин

	Рәхим итегез!. Сезне форумымда күрүгә бик шатмын! Форумда теркәлү өчен "керү-теркәлү" гә басыгыз. Исем һәм пароль языгыз. "Мин яңа катнашучы" янындагы шакмакка билге куегыз, «ОК»га басыгыз.